كــنـــيـــن الــــشـــــوق
يا قلب لا تشكي ولا تقول مظلـوم مجبور شرع الحر يوفـي بدينـه
عرفا من السابق وما هي من اليوم كلا يحصل حسـب مـدت يمينـه
ما حد من الزلات معفي ومعصـوم ولاحد من الاقـدار نفسـه ظمينـه
ما يندرك هيهات ما كـان معـدوم قالوا لنا أهـل العقـول الرزينـه
حملتني يا قلـب شكـواك واللـوم وأيقضت في جوفي الجروح الدفينه
خليتينـي ويـاك حايـر وملـزوم أنته كنيـن الشـوق وأنـا رهينـه
تعصف بي الونات والسر مكتـوم كلما يجـن الليـل يـدوي أنينـه
كم قلت لك بحر الهوي موج وسهوم ومصير دربك بيـن شـده ولينـه
عانتني وحرمت من عينـي النـوم واليوم صرنا وين والخـل وينـه
طيفه معي عاش وفي الذاكـره دوم لب الحشا مـا زال مرتـع حنينـه
من صام يفطر بعد ما كمل الصوم وأنا صيامـي دام طالـت سنينـه
لما عشقت الزين لي حالـي الثـوم وإن قد نطق يلفظ جواهـر ثمينـه
أحلي من الحالي دوا كـل مسقـوم الشمس تخجل من ضيا طلعة جبينه
رمشه رماح الفرس وعساكر الروم تسقيك كاس الموت نظرات عينـه
باسوق له قلبـا جريحـا ومهمـوم با رخص الغالـي لشوفـة ظنينـه
ولي يبي يعرف عنه سيـد لريـوم ينشد عنه ....... ولد خالي بعينـه
موضوع: كنين الشوق 
الثلاثاء أبريل 15, 2008 8:02 pm
