اقسم بربي اني عشقتك و بجنون
وحبك بقلبي بدى وأعلن انتشـــاره
سرت معك الروح وادورك العيــــون
وعنك الفكر و النظر ما غير مساره
صرت اعرفك ياغايتي منهو تكــــون
ودور اعلومــك بين تـــاره وتــــاره
ليتك تحس بكبر الشعور المكـــنون
وتهديني الدنيا جيتك لي بشــاره
ما عاد ابي اسمر طويل ومزيـــون
ابيك انت يا لزيمي بمعنى العبـاره
وان كــان بدري وتقلـبك الظنـــون
عجل ترا شوقي استوقدت نـــاره
شفني على شوفتك حيل مضنـون
وفي غيبتك اتجرع الألم والمـــراره
اشتاقلك شوق الصحاري للمـــزون
شــــوق الغريب اللي اوحشـــته داره
ما عاد تفرق معي لو وشهو يكــون
ببقى احبك لو طال الدهر فيني انتظاره
ياحبيبي ياللي على راسي تمــون
انت الدوا وماتنفع من طبيب استشـاره
حقوق الطبع محفوظه لي ..
موضوع: :: عشقتك و بجنون :: 
الثلاثاء أبريل 15, 2008 7:59 pm
